శ్రీదేవికి ఎలాంటి అనారోగ్య సమస్యలు లేవు.. నమ్మలేకపోతున్నా!: సంజయ్‌ కపూర్‌

అతిలోక సుందరి శ్రీదేవి మృతిపై ఆమె మరిది సంజయ్‌ కపూర్ (బోనీకపూర్ తమ్ముడు) మీడియాతో మాట్లాడుతూ పలు వివరాలు తెలిపారు. తన హోటల్‌ గదిలో శ్రీదేవి స్పృహ కోల్పోయి కనపడిందని, ఆమెను వెంటనే దుబాయ్‌లోని ఓ ఆసుపత్రికి తరలించగా ఆమె అప్పటికే ప్రాణాలు కోల్పోయిందని వైద్యులు చెప్పారని ఆయన అన్నారు. శ్రీదేవికి ఎలాంటి హృద్రోగ సమస్యలు లేవని ఆయన అన్నారు. ఒక్కసారిగా గుండెపోటు ఎలా వచ్చిందో తెలియడం లేదని, ఆమె మృతి చెందిన విషయాన్ని ఇప్పటికీ నమ్మలేకపోతున్నానని వ్యాఖ్యానించారు.